A sakruang rial ang a dai
A sakhming lamtu chhawn zai rel lo;
A thil mawi tih an chuai zo a,
A ngainatte an chul zo ta.
Dawi ang a dawm a hraite'n
Nau ang ṭapin awrawl an chhuah
Hawilopar tawna liam mai tur zua kha,
Hawia kira siang lawi leh turin.
Lenrualte zawng chûn leh zua nen
An mawi ṭhin e laitual;
An dawn lo fahrah zua chawi loh hrai
A ṭah khua ti sei tur renga'n an nui hiau e.
Hawiin zawng vel mah ila,
Tawn ni awm lo zuapa;
A reh riin lairil a fan thinlai a hnim,
Fam ṭumkawng zawha liam zua ngaihlai bang lo.
Ziaktu: Mawii_KHT
Post a Comment