He tool hmang hian thu ziak emaw, file pawimawh tu emaw chauh thawn i duh, mi dang hmuh ve i duh lohte awlsam takin i thup (encode) thei a. Tin, chu code chu he kan tool hmang bawk hian a lan dan pangngaiin a siam (decode) leh theih a ni. A him leh zual nan password hmangin a ven thlap theih bawk. He tool hi hman a awlsam em em a, a hman dan hi hnuai lamah khan chhiar tur a awm ang.
Secret Message Encoder & Decoder
A Hman Dan
- Thup (Encode) dawnin: A chunga bawm chung zawkah hian i thu thawn duh chu chhu lut la (emaw paste la). Thlalak, video, audio, emaw file zep tel i duh chuan a hnuaia button 4 awmah khian i duh ber thlang la, a Google Drive Link (Public) i paste lut dawn nia. Chu mi zawhah 'Encode' tih button kha hmet rawh. A hnuaia bawmah khan a code chu a lo chhuak nghal ang a, a hnuai lehah khan code ni lo, link zawka share i duh chuan link pawh copy tur a awm ang.
- Hawn (Decode) dawnin: A code kha bawm chung zawkah khan dah lut la emaw, link hmanga i luh chuan a indah sa ang, password a ngaih chuan password dahna turah khan chhu lut leh la, 'Decode' tih button kha hmet rawh. Thil inthupte chhiar theih leh hmuh theihin a hnuaia result bawmah khan a lo lang ang.
- Tih faina (Reset): Thu ziak thar emaw, code thar chhut luh i duh apiangin 'Reset' button kha i hmet dawn nia, a bawm a ruak nghal vek ang.
Limit: Thu(text) hi vawi khatah character 2000 aia tam a encode theih loh a, google drive file hi 2 aia tam vawi khatah a dah theih loh bawk.
Hriattirna:
He kan tool hmang hian dan phal loh leh hmuh nuam lo lam chi eng pawh thawn leh thup kan phal lo a ni tih min hriatsak ula, a ti lui in awm a nih chuan mawh kan phur lo vang. I file-ah Google Drive policy bawh chhiatna thil i dah a nih a, i file-in a lo tuar a nih paw'n mawh kan phur lo bawk ang.
Engti’n nge he Secret Message Encoder hian hna a thawh a, eng nge a ṭangkaina?
Internet khawvelah hian kan thu ziak leh kan thil thawnte him taka dah hi a pawimawh em em a. He tool hi himna lamah a pui dawn che a ni. He Mizo Library tool bik hi a danglam bikna leh a ṭangkaina te chu hengte hi a ni:
Mizo Library Secret Key:
He tool hmanga thu ziak i thup (encode) hian, Hmun danga Base64 encoder dangte ang lo takin Mizo Library pual bik 'Secret Key' hman a ni a. Chu mi awmzia chu, heta i code siam chhuah hi decoder dang hmangin a hawn (decode) theih miah loh a ni. A hawng duh chuan he kan tool bik hmang chauh hian an hawn a ngai, hei hian i thu ziakte a ven him zual bakah a ti hlu zual hle a ni. Mi dangin code hnawk nuaih angah ngai mah se, a hawngtu tur dik takin a hawn chuan a thu inziak leh file te a hmu-in a chhiar thei dawn a ni.
Media (Thlalak, Video, Hla, File) Support:
Thu ziak mai bakah, Google Drive hmangin thlalak, video, audio, leh file pawimawh dangte i thup thei tawh a. I file original quality a hloh dawn miah lo bawk a ni. (Hriattirna: I Drive file chu Public-a dah a ngai thung).
Link Share-na (Awlsam taka inthawn nan):
Code thawna dah luh chawp ngai lovin i thup (encode) zawh rualin 'Share Link' a rawn insiam chhuak nghal ang a. Chu link i thawnte'n an hmeh rualin he page-ah hian a rawn hruai lut ang a, a code pawh a lo indah sa vek tawh ang.
Data Himna (100% Client-Side Processing):
I ngaih ṭhat nan, he tool hi Javascript hmanga i web browser (Chrome, Safari, Edge, etc.) chhunga hna thawk nghal tur a siam a ni. I thu ziak emaw, i code paste luhte hi kan server-ah emaw, khawi hmunah mah save a ni lo va, thawn chhuah a ni hek lo. I hman zawha i chhuahsan rual khan a bo nghal vek a, i data-te 100%-in a him a ni tih kan tiam a che.
Password Hmanga Ven him:
I thu ziahte a him leh zual nan password hmangin i duh chuan i veng him thei ang.
Base64 Code Pangngai Support:
Mizo Library secret code chauh ni lovin, he tool hian Base64 code pangngai (standard Base64) aṭanga rawn in-encode-te pawh a lo hawng (decode) thei vek a. Chu vangin, tool pahnih inbelhbawm ang a ni.
1 comment