Phone Lock Screen-a thlalak leh thu lo inthlak zut zut ṭhin hi a ninawm ve duh riau ṭhin a, a hnuaia kan tar lan ang hian he’ng phone chi hrang hrangah hian tiang hian off theih a ni.
Xiaomi / Redmi / POCO
He’ng phone-ah chuan hming pahnih in a awm tlangpui: Glance for Mi emaw Wallpaper Carousel.
- Settings > Lock screen-ah lut rawh.
- Glance for Mi (emaw Wallpaper Carousel) tih a awm ang, kha kha hmet rawh.
- A chung bera switch kha off rawh.
- (Feedback a dil chuan 'Too many ads' tih emaw kha i thlang dawn nia).
Samsung Galaxy
Samsung-ah chuan "Wallpaper Services" hnuaiah a awm tlangpui.
- Settings > Wallpaper and style-ah lut rawh.
- Browse my wallpapers (emaw, phone ṭhen khatah chuan Change wallpaper) tiin a awm ang.
- Hnuai lamah Wallpaper services tih a awm ang a, lut rawh.
- Tah khan None tih thlang la, apply a ngaih chuan i apply dawn nia.
Realme & Oppo
He’ng phone-ah hian "Glance for Realme" emaw "Lock Screen Magazine" tih a ni ṭhin.
- Settings > Home screen & Lock screen-ah lut rawh.
- Hnuai lamah scroll la, Glance for Realme (emaw, Lock Screen Magazine) tih a awm ang a, lut la.
- A chung bera switch kha off rawh.
Vivo / iQOO
He’ng phone-ah chuan "Lock Screen Poster" tih a ni tlangpui.
- Settings > Lock screen & wallpaper-ah lut rawh.
- Lock screen settings-ah lut leh la.
- Lock screen poster tihah lut la.
- A chung bera switch "Lock Screen Poster Wallpaper" tih kha Off rawh.
Tecno / Infinix / Itel
He’ng phone-ah hian "Magazine Lockscreen" tih a ni tlangpui.
- Settings > Personalization-ah lut rawh.
- Magazine Lockscreen tih zawng la, lut rawh.
- Lock Screen Carousel tih kha off rawh.
A Tih Dan Awlsam (Search Hmangin)
I phone settings-ah i hmuh zawh loh chuan, heti hian ti rawh:
- Settings hawng la.
- Chung lama Search bar-ah khan he’ng thu te hi type chhin rawh:
- Glance
- Carousel
- Magazine
- Wallpaper Services
- Poster
- A lo lan chuan hmet la, Off emaw, None-ah dah rawh.
A la bo loh fo chuan
Settings vel aṭanga i off tawh pawha a la bo duh loh fo chuan tiang hian ti chhin rawh:
- Settings > Apps > Manage Apps (emaw, All apps)-ah lut rawh.
- App list zingah khan "Wallpaper Carousel" emaw, "Glance" tih zawng la.
- Hmet la, Uninstall rawh.
- Uninstall a theih loh chuan Disable hmet rawh.
Tags: Phone lock screen-a thlalak leh thu duh duh lo lang tih tawp dan | Glance | Carousel
Post a Comment