Sam tla hi kan buaipui tlang em em a, khawvel puma mipui za zela 50 (50%) velin an nunah vawi khat tal he harsatna hi an tawk ṭhin. Ni tin sam zai 50 aṭanga 100 inkar a tlak hian hlauhthawn tur em em a awm lo va (hei hi chu sam hlui thi, a tharin a rawn thlak tur a ni), mahse, chu aia tam daih a tlak a, sam a thawl chhoh viau chuan uluk taka enkawl a ngai ṭhin a, a theih phei chuan mi thiam rawn tluk a awm lo bawk.
A chhan leh vang ṭhen khat, inlama enkawl dan (natural remedies), chaw ṭha ei tur, leh damdawi thlengin a hnuaiah hian tarlan a ni.
Sam Ṭhan Dan Kal hmang (The Hair Growth Cycle)
Sam ṭo leh tla te hian hun bi fel tak an nei a ni:
- Anagen: He hun chhung hian sam chu kum 2 aṭanga kum 7 chhung te a ṭhang ṭhin.
- Catagen: Kar 2 aṭanga kar 3 chhung sam kha ṭhang lovin a chawl a.
- Telogen: Thla 2 aṭanga thla 4 chhung sam zung a chawlh hahdam hnu-ah sam chu a rawn tla a, a aiah sam thar a rawn ṭhang leh ṭhin.
A chunga cycle hi taksa chak loh vang emaw, rilru hah vang emaw-a a buai hian sam thar rawn ṭhang tur aiin a tla tur (Telogen phase) kha an lo tam zawk a, sam tla a tam ta ṭhin a ni.
Sam Tlak Chhan Tlangpuite (Causes of Hair Loss)
1. Taksa chhung lam (Internal Causes)
- Thlah Kal (Genetics): Chhungkuaa sam kawlh/tla hma an awm chuan a thlah kalin an chhawm thei. Hei hi mipaah chuan chal lam leh chhip lam a kawlh ṭhin a, hmeichhiaah chuan chhip lai takah sam a thawl/kawlh ṭhin.
- Hormone inthlak danglam: Hmeichhiaah a thleng nasa bik. Nau pai lai, nau neih hnu, menopuse (thi hul) lai, leh PCOS (chi bawm buaina) te hian sam a ti tla nasa hle.
- Natna leh damdawi: Thyroid, thisen tlachham (Anemia) emaw, damdawi chak tak tak (entir nan: cancer damdawi, depression damdawi) ei vangin a tla thei.
- Rilru hah leh mut ṭhat loh (Stress): Taksa-in 'trauma' (accident, dam lohna lian tham) a tawh hian emaw, rilru a hah lutuk hian sam hian a tuarin a tla duh hle (Telogen Effluvium).
2. Pawn lam harsatna (External Causes)
- Sam enkawl dan dik lo: Tui lum lutuka lu suk ṭhin, Hair dryer leh Straightener sa lutuk hman zin, leh rawng (hair dye/bleach) hnawih nasat hian sam a ti chhe ve thei.
- Tui fai lo leh ṭha lo: Tui al emaw, mineral tam lutukna tuia lu suk hian sam a ti bungin a ti tla duh.
- Chaw ṭha ei tawk loh: Taksa-in a mamawh protein, iron, zinc leh vitamin hrang hrang a tlakchham chuan sam a ṭha thei lo.
In lama awlsam taka enkawl dan (Natural Remedies)
Doctor pan tluk chu a awm lo, chutih rual chuan chhan hrang hrang vangin doctor hi hmuh mai theih a ni lo ve thei a, chu vang chuan he'ng thlai leh hriak ṭhate hi thla 3 tal dawh thei takin hmang chhin phawt rawh:
- Purun sen tui (Onion Juice): Purun senah hian Sulfur a tam em em a. Sam zung a ti chak a, sam ṭo thar tur a pui nasa hle.
Hman dan: Purun sen kha a tui sawr la, a tui chu i lu vunah hnawih chhuak vek rawh. Minute 30 aṭanga darkar 1 nghak la, i su fai dawn nia. (Kar khatah vawi 2). - Rosemary Oil: Thiamna lam aṭanga an en chhinnaah chuan Rosemary oil hian sam ṭo thar a siam chakzia hi damdawi chak tak Minoxidil nen an inan thu an sawi hial.
Hman dan: Rosemary essential oil far 5 vel kha Coconut oil emaw, Olive oil (fian 2) nen pawlh la, lu vunah massage la, darkar 1 nghak la i su fai dawn nia. - Aloe Vera: Sam zung a ti faiin lu vun ro a ti hnawng a, hrik lakah a veng ṭha hle.
Hman dan: Aloe vera gel hlang i lu vun leh samah hnawih la, minute 45 hnu-ah tui pangngaiin su fai rawh. - Khawizu Leh Artui: Artui hian Protein a nei tam a, khawizu hian sam a ti nem a ni.
Hman dan: Artui leh khawizu thir fian khat chawh pawlh la, i sam leh lu leiah tat la, minute 20 hnu-ah tui daiin su rawh (Tui lum hman loh tur). - Green Tea: Green tea-ah hian Antioxidant a tam a, sam tla tur a veng thei.
Hman dan: Green tea kha tui saah chiah/thlak la, a daih vek thlengin nghak rawh. A daih hnu-ah i lu suk nan hmang rawh.
Sam ṭhatna tura ei leh in turte (Diet & Nutrition)
Sam zung hian ei tur leh oxygen chu thisen aṭangin a la a. Chuvangin, i thil ei a ṭhat loh chuan i sama i thil hnawih a ṭhat ringawtin awmzia a nei thui lo ve thei.
- Protein ei tam rawh: Sam hi 90% chu Keratin (protein) aṭanga siam a ni. Artui, Sa, Dal, leh Be lam chi ei uar ang che.
- Iron: Thisen tlachhamte sam a tla duh. Chu vang chuan Iron tamna ei leh in lam chi ei/in uar tur.
- Vitamin C: Iron taksain a lo absorb (hip luh) theih nan Vitamin C tamna ei leh in lam chi ei/in uar tur.
- Biotin & Zinc: Biotin leh Zinc tamna ei leh in lam chi ei/in uar tur.
Ni tin sam enkawl dan dik (Hair Care Routine)
- Sam huh laiin khuih suh: Sam a huh lai hian a zawi ber a, a bungin a tla hma bik em em a ni. A ro deuh hnu-ah emaw, samkhuih hraw hmangin khuih ṭhin rawh.
- Tui lum lutuk inbual nan hmang suh: Tui lum lutuk hian lu vuna hriak ṭha a tleng fai vek a, sam a ti bung duh. Tui lum nuam tawk emaw, tui vawt hmang ṭhin rawh.
- Towel-in hru nawk nawk suh: Sam huh laiin towel hmangin hru nawk nawk suh, dim takin hru ro (pat dry) zawk ang che.
- Massage ziah rawh: Kar khatah vawi 1 tal chu a chunga kan sawi Rosemary Oil hmang khian i lu vun massage ṭhin rawh.
- Lukham kawr nem: Cotton lukham kawr aiin Silk emaw, Satin lukham kawr hman hian zana i mut laia sam innawt chhe nasa tur a veng.
Hair serum ṭha ber berte
Sam tla vengtu leh a ṭhanna lama puitu tur serum ṭha, Amazon review ṭha ber berte hi han hmang chhin ve teh le.
1. Minimalist 18% Hair Growth Actives Serum
A Ṭhatna: Tui ang maia fim leh zangkhai (water-based) a ni a, hnawih a nuamin a ban miah lo. Redensyl, Procapil, leh Capixyl a pai avangin sam zung a ti chak a, sam tla a ti tawp hma hle. Zan mut dawn pawha hnawih a hrehawm miah lohna hian mi a hip bik a ni.
Hman dan: Zan mut dawnah i lu vun (scalp) ro ṭha takah far 5 aṭanga far 7 vel far la, i kut ṭang hmawrin dim tein massage rawh. A tuk zingah lu suk fai kher a ngai lo, ni tin hman tur a ni.
Amazon-a enna2. WishCare Hair Growth Serum (Rosemary & Biotin)
A Ṭhatna: He post-a kan tarlan tak Rosemary leh Biotin ṭhatna zawng zawng kha he serum-ah hian a awm vek a ni. Hmanraw natural deuh aṭanga siam a ni a, sam hnawng hluam lovin a zung aṭangin sam a chawm lian a, sam bung tur a veng ṭha hle.
Hman dan: I lu suk fai hnu, sam a ro deuh tawhah emaw, zan mut dawnah i lu vunah far kual la, muangchangin zut (massage) rawh. Hei pawh hi ni tin hman theih a ni.
Amazon-a enna3. PILGRIM Redensyl & Anagain Advanced Hair Growth Serum
A Ṭhatna: Sam ṭil vengtu chak tak a ni a, sam zung (roots) a ti chak bik em em a ni. A hnawih a nuamin a ban lo a, sam pan lutuk tih chhah nan leh sam ṭo thar siam nan mi tam takin an hmang ṭangkai hle.
Hman dan: Sam ro pangngaiah emaw, lu suk zawh hlim sam huh deuh hlap (towel-dried) ah far tlem te hmangin lu vun massage nan hmang rawh. A thawk ṭha ber tur chuan zan mut dawnah hnawih ṭhin ang che.
Amazon-a ennaDamdawi leh doctor enkawlna (Medical Treatments)
Thla 6 hnu-ah pawh a ziaawm thei lo a nih chuan Doctor (Dermatologist) rawn a hun tihna a ni. Doctor te'n a hnuaia mite hi an hmang deuh ber ṭhin:
- Minoxidil: Lu vunah hnawihin sam zunga thisen kal a ti ṭhain sam a ti ṭhang leh thei.
- Finasteride: Mipa, thlah kal (Genetics) vanga sam kawlh inṭan te hnena an chawh tlangpui a ni.
- PRP Therapy: Thisen la chhuakin, a chhunga cell chakna (plasma) chu lak hran a ni a, chu chu lu vunah an chiu lut leh ṭhin a ni.
Hei hi mahni thu-a lo hman ve ngawt loh tur a ni.
Mi tamtakin lu suk zin hi a ṭha lo an ti a, a ṭhenin a ṭha an ti. Hei hi a dik thei ve ve a, a mihring a zirin suk ngun emaw, ni 2-4 dana suk ngai chauh te awm theih a ni. Suk ngun lutuk khan lu/sama hriak ṭha a bo thei a, chu chu samin a tuar thei, suk khata dah balh viau pawh kha a ṭha chuang lo ang. I lu/sam mawm dan azirin hei chu insiam rem mai tur a ni.
Tlang kawmna: A chunga kan sawi mahnia lo inenkawl dan khi thawk vut vut chi a ni lo a, taima taka beih tlauh tlauh ngai chi a ni. Kan sawi lan tak ang khian pawn lama inenkawl bakah chhung lam(ei leh in) mai bakah rilru lam thlenga enkawl ṭhat a ngai a ni. I hlawkpui ngei kan beisei e.
1 comment